استخدم جوجل للبحث

الجمعة، 26 سبتمبر 2008

دنيا الكاريكاتير



مدونة جديدة لهواة الفكاهة والطرائف بعنوان دنيا الكاريكاتير بها العديد من الكاريكاتيرات المضحكة أغلبها لمصطفى حسين
شاهدها من هنـــــــــــــــــا


الجمعة، 12 سبتمبر 2008

أبو لمعة يشترك فى حرب أكتوبر

بعيدا عن أحداث أكتوبر وجدت هذا الموضوع الطريف :

يا سلام على حر الصيف لا يخليك قادر تطلع علي الكورنيش علشان ماتتبهدلش رطوبة ، ولا يخليك قادر تقعد في بيتك علشان ماتتقطعش حرارة ، وعجبي عليه حر عجيب في البلاد اللي بره الحر محترم جدا زي السعودية ، حر بمعني الكلمة ، لافيه نيل يجيلك منه رطوبة ، ولا غيره ، تاخد الحر من هنا ويجيلك ضربة شمس ، اما في مصر فالحر مش محترم نفسه ، لما تتعب وتحتر وتشغل المروحة تقوم تلاقي عندك نزلة برد ، وطبعا برد الصيف احد من السيف .
انا بقي قررت اني انزل اتمشي علي الكورنيش واللي يحصل يحصل بقي ، وانا بتمشي علي النيل حبيبي لقيت واحد بيتخانق مع بتاع الترمس وبيقوله :
يا حرااامي حبة ترمس باتنين جنيه ليه ده شوال الترمس دلوقتي باتنين جنيه
بتاع الترمس رد عليه وقال :
يابيه هوه فيه اصلا كيلو ترمس باتنين جنيه علشان يبقي فيه شوال
- كمان بتكدبني طب انا بقي هاتصل بشرطة المسطحات المائية يجوا يشيلوك من هنا ويعملولك مخالفة عربية ترمس من غير حزام
- حزام ايه يابيه مايصحش كده
- وكمان مش معاك طفاية دول هايروقوك دلوقتي وديني ما انا سايبك الا في القسم
طبعا ده كان ابو لمعة بيتخانق مع بتاع الترمس مالقاش حد اغلب منه يتخانق معاه دخلت اهديه شوية بدل مايفرج علينا الحبيبة اللي علي الكورنيش :
- يابو لمعة صلي علي النبي خلاص كده الراجل عرف غلطه
- لا لازم يتأدب مش سايبه الا في امن الدولة
- ليه بس يابو لمعة الراجل عمل ايه علشان امن دولة
- لأ عمل كتير بقي الراجل بيبيع ترمس مستورد من اسرائيل مش سايبه الافي مبني المخابرات
- طيب يابولمعة بينا بقي من هنا لان الناس بدات تسمع كلامنا وشكلهم هايضربوا الراجل
- ماشي يا حبيبى علشان خاطرك بس
مشينا انا وابو لمعة قدام شوية وقعدنا نتكلم :
- ايه يابو لمعة خير يصح تمسك الراجل الغلبان ده وتبهدله كده ؟
- معلش اصلي كنت متعصب شوية ده بيبيع ترمس اسرائيلي
- يا بو لمعة كبر
- لا اكبر ازاي يا x_x ياحبيبي ده انا بطل وما اسكتش علي حاجة زي دي
- بطل ازاي يابولمعة ؟
- ايه ده انت ماتعرفش اني كنت من المحاربين في حرب اكتوبر ؟
- انهي اكتوبر ده يا بولمعة ؟
- اكتوبر 73 الله انت ماتعرفش الحرب دي ولا ايه ؟
- حرب ايه يابولمعة اللي كنت فيها هوه انت عندك كام سنة اصلا ؟
- مش فاكر اصل البطاقة في البيت المهم انا كنت من الابطال
- طب فهمني ازاي بس من الابطال ؟
- بص يا حبيبى
- بصيت ياسيدي
- انا قبل الحرب كنت مطوق الدبابة بتاعتي جنب القنال وراكنها صف تاني ونايم جنبها شوية
- دبابة مطوقها يابولمعة ؟
- سيبني اكمل ياحبيبي علشان ماتقطعش خيط افكاري
- حاضر كمل يابولمعة
- المهم كنت نايم جنب الدبابة مستني الدليفري اصلي كنت جعان شوية
- دليفري ايه يابولمعة ؟
- دليفري كباب كنتاكي
- طيب كمل يابولمعة
- المهم الدليفري وصل وجابلي الكباب وقبل مايمشي سالته معاه هدية قالي اه معاه تمثال بطوط بيزمر
- بيزمر ؟ كمل يابابا
- اخدت الدبابة بتاعتي وقولت اطلع بيها شوية اتمشي علي القنال اهوه اشم هوا حلو
- حلو يابولمعة ؟
- فجأة لقيت القائد بتاعنا طالع وبيقولنا ياللا ساعة الصفر بدأت ياولاد اهجموا
- هاه وبعدين يابولمعة
- وبعدين ركبت الدبابة بتاعتي وجريت علي العدو اول حاجة كان لازم الاول انزل القناة واعديها بدبابتي علشان اوصل علي الشط التاني
- طبعا استنيت لغاية المهندسين المصرين لما عملوا الكباري وعديت ؟
- لا طبعاا انا بطل وما اعملش كده والا الوقت يضيع مني
- طب عملت ايه يابولمعة ؟
- ولا حاجة دوست علي زرار في الدبابة حولها لغواصة بسرعة ونزلت بيها القنال
- نعم يا بو لمعة ازاي ؟
- اصل دي دبابة متطورة صناعة هندية يعني شغل علي ماية بيضا
- طيب يابولمعة كمل
- وانا تحت الماية طلعوا عليا غواصتين من العدو قلت تعمل ايه يابولمعة قلت مافيش اني اضرب عليهم طوربيدين
- وبعدين يابولمعة كمل
- ضربت عليهم الطوربيدين ولقيتهم اتنسفوا تماما والماية اللي حواليا بقيت تغلي من الحرارة
- ليه يابولمعة يعني ؟
- اصلي ضربت عليهم طوربيدين نووي
- نعم يابولمعة ودبابتك اقصد غواصتك ماحصلهاش حاجة ؟
- لا اصل دبابتي اللي بقت غواصة مطعمة ضد النووي
- اه كمل يابولمعة
- المهم ياحبيبي وصلت الشط التاني قمت دوست علي زرار في غواصتي ورجعت تاني دبابة وقمت هاجم علي العدو
- وايه اللي حصل بعد كده يابولمعة ؟
- طلع قدامي 200 ظابط اسرائيلي شايلين قاذفات صواريخ وخمسين دبابة وعشر طيارات هيلكوبتر وسبع مدرعات ده غير الضفادع البشرية اللي مالقوش ماية فحفروا مجري مائي علشان يقدروا يهاجموني
- هاه وعملت ايه يابولمعة ؟
- قمت علي طول مشغل الميكرفون بتاعي وقولتلهم اللواء القائد الجنرال المشير ابولمعة بيقولكم سلموا نفسكم احسن لكم
- طبعا يابولمعة ماسلموش نفسهم ؟
- بص همه اول ماسمعوا الندا بتاعي لقيت القائد بتاعهم باعت لي مسيدج علي الموبايل بتاعي وبيقولي فيه انت صخيخ ابو لمأة ؟ قمت بعت له مسيدج وقولت له ايوة انا ابو لمعة الاصلي فجأة لقيت العدو كله بيقول اجروا بسرعة ابو لمعة الاصلي وصل ياجدعان
- الاسرائيلين قالوا يابولمعة اجروا يا جدعان ؟
- انا هاكدب يعني عليك ياحبيبي المهم لقيت مسيدج تانية وصلت لي انهم خلاص هايسلموا سلاحهم
- وبعدين يابولمعة ؟
- كلهم سلموا سلاحهم الا ظابط واحد مارضاش وقال هايحارب
- وده كان معاه ايه يابولمعة ؟
- كان معاه الابتدائية باين
- لا يا بولمعة اقصد كان معاه سلاح ايه ؟
- كان معاه مسدس فيه طلقتين بس
- طب انت عملت ايه ؟
- ماسكتش طبعا ضربته صاروخين ورميت عليه 10 قنابل و11 صابع دناميت لغاية ما قال لي خلاص انا هاستسلم
- نعم يابولمعة ؟
- ايوة زي ماباقول لك والدولة كرمتني وادتلي الدبابة هدية بمفاتيحها وانا شايلها عندي في البيت دلوقتي
- شايل ايه يابولمعة ؟
- الدبابة
- اه الدبابة طيب انت هاتروح فين دلوقتي يابولمعة ؟
- هاتمشي شوية
- طيب انا هاروح
روحت البيت وفتحت كل المراوح الموجودة وكمان مروحة السقف وفتحت التليفزيون بالمرة لقيت نشرة تسعة والمذيعة واقفة علي الكورنيش بتقول :
مجنون يحاصر بائع علي الكورنيش بدبابة مطالبا اياه بتسليم الترمس

أمر القتال فى حرب أكتوبر : الوثيقة الرسمية



رجال من أكتوبر


محمد أنور السادات



فى غرفة العمليات



الرئيس الراحل محمد أنور السادات



السادات وبجواره مبارك قائد القوات الجوية



عبد العاطى صائد الدبابات يتقلد وساما تقديرا لبسالته




المشير أحمد اسماعيل



المشير أحمد بدوى


السادات وبجواره المشير الجمسى


حسنى مبارك


ابراهيم الرفاعى قائد القوات الخاصة


الفريق سعد الدين الشاذلى



السادات مع أحمد اسماعيل


المشير محمد عبد الحليم أبو غزالة


الخميس، 11 سبتمبر 2008

صور رمضانية

ص



































لقطات تسجيلية من حرب أكتوبر


ما زلنا مع حرب أكتوبر

ولقطات أرشيفية


إقلاع الطائرات فى الضربة الجوية




عبور بعض المعدات المصرية على الكبارى




عبور القناة وتسلق الساتر الترابى




المدفعية تدك خطوط العدو




آباء وأبناء



نماذج الحوار اليومى بين الآباء والأبناء

ابقى قابلني بكرة تاخد بالجزمة وتاكل كل حاجة غصب عنك.

امشى جاتك مشش فى ركبك .

جتها نيلة الى عايزة خلف تيجى تتفرج .

متحطيش الموبيل جنبك و انت نايمه هيجبلك تخلف عقلي .

ذاكر ياموكوس مش فالح غير فى الهيافه والكلام الفاضى.

متتأخرش وهات عيش وانت جاى .

هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.

هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

أوعى حد يضحك عليك ويقولك جرب السيجارة دي.

ابقى ورينى مين حينفعك فى الاخر من شوية الصيع الى انت مشيلى وراهم .

قوم اقرا لك كلمتين ينفعوك .

وطي المدعوق ده شويه .

مش ملاحقه علي التليفون ولا الموبيل عاملة لى فيها الست المهمه.

لا محدش سئل عليكي النهارده ولا حد عبرك.

لما ما ترضاش تاكل في البيت : طبعا مانت اتعودت علي اكل بره .

ياريتك تحفظ دروسك زى مانت حافظ الاغانى.

عيـــب ... لازم تحترم اللي أكبر منك .



لو شفت خناقه ما لكش دعوة بيها .

كريم دا عيل بايظ وماتمشيش معاه تاني .

مين منى دي انتى كل يوم تصاحبي واحدة جديدة ؟.

هيه الوزيرة معندهاش وزاره النهارده قومى يا حبيبتى الساعه10 .

انته مابتاكلش جزر ليه .. اجيبلك برتقانه. طب كل سلطه .

يا ابني بأسلوبك ده مش هتعيش معاك واحده .

قومي ساعدي امك ده اللي هيتجوزك أمه داعية عليه.

اوعى حد غريب يديلك حاجه تاكلها و تشربها و تاخدها منه .

يا ابني حرام عليك الى بتعمله فينا ده.

انا سايبالكوا البيت وماشية ومش حتشوفوا وشي تاني .

لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

وانت فاكر احنا مستنيين منك حاجه .

المسلسل مش هاينفعك ...قوم .

ماتقعد يابنى تكمل أكلك , انت كلت حاجة!!!

(طيب ماهو انا لو جعان أو الأكل عاجبنى إيه اللى هايخلينى أقوم يعنى , هو انا غاوى جوع مثلا ) .

كفايه رغي في التليفونات .

كل على مهلك .. وامضغ كويس ... وما تاكلش وانت واقف .. وكل من قدامك ما تخافش .

اطفي التلفزيون وقوم ذاكر ولا و خش اوضتك .



بلاش تمشى حافى البس شبشب وانته داخل الحمام .

ما فيش مذاكرة على المزيكا .. وازاى بتذاكر و البتاع ده شغال جنبك .

افرد ظهرك .

لم شراباتك.

ماتاكلش فى ضوفرك.

كنت فين لحد دلوقتى يا صايع.

ماتتأخرش علشان عندك كلية بكرة بدرى.

انا مش عارف انته طالع لمين.


انا : ياماما بقه ايه ده ؟؟؟

ماما:مووو لمـا يــــــخدك .

ادلعى ياهبة فى ايامك المهببة .

ده منظر اوضة بني آدم ، انت عايش فيها ازاي؟.

هو انا الخدامه الى ابوكم جابها لكم .

الى يطلع من الاوضه يطفى النور وراه .

أبوك عندك أهو اتصرف معاه .

اللي بيشيل قربه مخرومة بتخر عليه لوحده ..

لو مش فاهم حاجه ارفع ايدك و قول للأستاذ مش فاهم .. متتكسفش .

البس فانله قطن تحت ودفي سدرك ودخل التيشرت في بنطلون البيجامه وانته نايم .

يا ابنى المذاكره مابتخلص .... نفسى اشوفك مره ماسك كتاب.



اعمل حسابك مش حندخلك جامعه خاصه.

قالب ليلك نهارك طول الليل صاحى وطول النهار نايم

طبعاً ما حضرتش ولا محاضرة ولا سكشن , وطول اليوم صايع بره البيت .

مالكش دعوة بالسياسة .. وماتمشيش في مظاهرات .و امشي جوا الحيط

احمد ربنا الاكل الى مش عاجبك ده فى ناس مش لاقيينه .

التهديدات المخيفه والمرعبه : مثل:

هأقطم رقبتك أو هأقطع ايدك أو هأقطع لك لسانك أو هأدبحك دبح .

قومي سخني الأكل لأخوكي.

ابوكم كان دايما بيطلع الاول على الفصل... "

لما كلهم كده امال مين الى بيطلع الاخير .

ومن اشهر الجمل الى بتتقال كل يوم بعد الاكل :

انا مش الخدامه اللي اشترها لكوا ابوكوا اللي ياكل في طبق او يشرب في كباية يغسلها ما يركنهاش في الحوض.

( حضرتك راجع البيت متأخر و عاوز تتوه الموضوع وانت بتكلم مامتك )

انت : ماما عاملة ايه مش عارف ليه حاسس انك وحشتيني يا ست الحبايب

مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟

أيها الأبناء رفقا بآبائكم

ويا أيها الآباء والأمهات رفقا بأبنائكم


شكر خاص لمن أهدتنى هذه الكلمات