الصدفة وحدها هى التى قادتنى الى الاستماع لهذا الشاعر
وصدق احاسيسه وكلماته اللاذعة الموجعة دفعتنى للاستماع اليه مرارا
انه موهبة من المواهب التى تمتلىء بها مصر ، واسلوبه يذكرنى بشاعرنا الكبير عبد الرحمن الأبنودى
استمعت له وهو يلقى هذه الرائعة " جحا " فى العاشرة مساء ، كلمات تنفذ الى القلب ، تلمس المشاعر ، تبكينى من بلدى وعلى بلدى
ظلمها فى كثير من كلماته ولكنه عاد وتسائل " يا هل ترى خاينة ولا ازيى مغصوبة " وهو سؤال لا يحتاج الى جواب ، لأنها مغصوبة مثلنا تماما
سأترككم مع كلماته
ولمن يريد تحميل الفيديو الخاص بهذه الحلقة
الرابط هنــــــــــا
شعور سخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكوا
اللى كان من تحت ميت
واللى كان من فوق كفيف
ده شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى
عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت
عايش بدون لازمة
ولما مرة شكيت
إدونى بالجزمة
مش لاقى تطفح اديك
هاتوا لنا وجيبوا لنا وادونا ودونا
هانجيب منين نديك
مش لاقى تطفخ اديك
طافح يا بلدى غدايا
ولوعتى غدايا
وادى الأحبة التقوا
واتجمعوا عدايا
أنا اللى زارعك دهب
بتأكلينى سباخ
ما ان كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا بوبة
وكل يوم المية تقطع
يعنى ايه لما اشتكى غلو الفاتورة
يقولوا تشكى ... بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لاجل الغزاة
ويعنى ايه لما ابقى ماشى فى حالى
اتشد اشتباه
يعنى ايه لما اتحبس أربع سنين حبس احتياطى
حبس اعتباطى
يعنى ايه مش حاسة بالعمر وغلاوته
بتصبى مر العمر ليه
ده انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتعذبت بيه
بتكرهينى عيونك السودا وايامى اللى فاتت
منتش حبيبتى من النهاردة
حبيبتى ماتت
مع صوت أدانك جرس
فى الشدة صاحيين لك
من امتى كانوا الحرس
هما اللى باقيين لك
بعتينى علشانهم
وعنيكى معصوبة
ياهل ترى خاينة
ولا زيى مغصوبة
كل الكلام اتقال
والشعر بقى ماسخ
والصبر علو جبال
والظلم شىء راسخ
وطن وغرقان فى النطاعة
كل شىء ريحته نطاعة
علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق
الحب يعنى اتين بيدوا
مش ايد بتبنى وستميت تيت تيت يهدوا
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئينى بعدالة
الحب حالة
الحب مش شعر وقوالة
الحب حاجة ما تتوجدش فى وسط ناس
بتجيب غداها من صناديق الزبالة
الحب جواكى استحالة
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكوا
اللى كان من تحت ميت
واللى كان من فوق كفيف
ده شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى
عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت
عايش بدون لازمة
ولما مرة شكيت
إدونى بالجزمة
مش لاقى تطفح اديك
هاتوا لنا وجيبوا لنا وادونا ودونا
هانجيب منين نديك
مش لاقى تطفخ اديك
طافح يا بلدى غدايا
ولوعتى غدايا
وادى الأحبة التقوا
واتجمعوا عدايا
أنا اللى زارعك دهب
بتأكلينى سباخ
ما ان كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا بوبة
وكل يوم المية تقطع
يعنى ايه لما اشتكى غلو الفاتورة
يقولوا تشكى ... بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لاجل الغزاة
ويعنى ايه لما ابقى ماشى فى حالى
اتشد اشتباه
يعنى ايه لما اتحبس أربع سنين حبس احتياطى
حبس اعتباطى
يعنى ايه مش حاسة بالعمر وغلاوته
بتصبى مر العمر ليه
ده انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتعذبت بيه
بتكرهينى عيونك السودا وايامى اللى فاتت
منتش حبيبتى من النهاردة
حبيبتى ماتت
مع صوت أدانك جرس
فى الشدة صاحيين لك
من امتى كانوا الحرس
هما اللى باقيين لك
بعتينى علشانهم
وعنيكى معصوبة
ياهل ترى خاينة
ولا زيى مغصوبة
كل الكلام اتقال
والشعر بقى ماسخ
والصبر علو جبال
والظلم شىء راسخ
وطن وغرقان فى النطاعة
كل شىء ريحته نطاعة
علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق
الحب يعنى اتين بيدوا
مش ايد بتبنى وستميت تيت تيت يهدوا
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئينى بعدالة
الحب حالة
الحب مش شعر وقوالة
الحب حاجة ما تتوجدش فى وسط ناس
بتجيب غداها من صناديق الزبالة
الحب جواكى استحالة
