عن موضوع الفول واللحمة

من منا لا يشتهى ساندويتش الفول او طبق الفول خصوصا لو كان من عربة فى الشارع مع البصل والسلاطة الخضراء ، هذا المنظر من اجمل المناظر فى مصر ، تلك المظاهرة حول عربة الفول مع شروق الشمس
ورغم اهمية الفول فى حياتنا الا ان البعض يرفضه ويطالب بتلك البدعة المدعوة الللحمة جهلا منه بأهمية هذا النوع من الطعام
واليكم هذه الابيات الزجلية التى توضح لنا اهمية الفول

عن موضوع الفول واللحمة
صرح مصدر ال مسئول
ان الطب اتقدم جدا
والدكتور محسن بيقول
ان الشعب المصري عموما
من مصلحته يقرقش فول
حيث الفول المصري عموما
يجعل من بني ادم غول
تاكل فخدة في ربع زكيبة
تسمن جدا تبقي مهول

ثم اضاف الدكتور محسن
ان اللحم دي سم اكيد
بتزود اوجاع المعدة
وتعود على طولة الايد
وتنيم بنى ادم اكتر
وتفرقع منه المواعيد
واللي بياكلوا اللحمة عموما
حيخشوا جهنم ده اكيد

يا دكتور محسن يا مزقلط
يا مصدر يا غير مسئول
حيث ان انتوا عقول العالم
والعالم محتاج لعقول
ما راي جنابك وجنابهم
في واحد مجنون بيقول
انتوا سيبونا نموت باللحمة
وانتوا تعيشوا وتاكلوا الفول

ما راي جنابك وجنابهم
مش بالذمة كلام معقول !!